بھارت مسلسل سی پیک کو نشانہ بنا رہا ہے، مراد سعید

وفاقی وزیر مواصلات مراد سعید نے کہا ہے کہ بھارت جعلی سوشل میڈیا اکاؤنٹس کے ذریعے مسلسل سی پیک کو نشانہ بنا رہا ہے۔

تفصیلات کے مطابق وفاقی وزیر برائے مواصلات مراد سعید نے اپنے ایک بیان میں کہا ہے کہ بھارت انسانی حقوق کی سنگین پامالیوں کےحوالے سے دنیا بھر میں سرفہرست ہے۔

وفاقی وزیر نے کہا ہے کہ وزیراعظم عمران خان نے نئے دور کے ہٹلر مودی کے مظالم کو دنیا کے سامنے بے نقاب کیا لیکن اب ہر پاکستانی کو سوشل میڈیا پر اپنے ملک کے تحفظ کیلئے کردار ادا کرنا ہوگا۔

انہوں نے کہا ہے کہ جعلی بھارتی نیٹ ورک کا بنیادی مقصد پاکستان کی عسکری اور سول قیادت کو بدنام کرنا تھا جس کے لئے بھارتی میڈیا بھی اپنی حکومت کے ساتھ مل کر پاکستان مخالف پراپیگنڈہ مہم میں شامل رہا ہے۔

ان کا کہنا تھا کہ بھارت 15 سال سےجعلی اداروں اورمیڈیاتنظیموں کے ذریعے دنیا بھر میں پاکستان کو بدنام کررہا تھا، بھارتی جعلی این جی اوز اور میڈیا اداروں نے 116ملکوں میں پاکستان مخالف جھوٹا پراپیگنڈہ کیا ہے۔

انہوں نے مزید کہا ہے کہ یورپی یونین کی رپورٹ نے پاکستان کے خلاف بھارتی جھوٹ و پراپیگنڈہ کا پول کھول دیا ہے۔

اپنا تبصرہ بھیجیں